Логотип

Все новости

22.11.2019

Кызьы удмурт кыллэн нуналаз пыриськоно?

Удмурт кыллэсь нуналзэ ас интыяды ортчытэмды потэ ке, туж шумпотӥськомы!
Со понна мар лэсьтоно луоз?
* Удмурт кыллы сӥзем ужрад малпано: мед со ӵапак удмурт кыллы сӥземын луоз.
Шуом, удмурт грамматикалы яке удмурт литературалы, яке удмурт книгаослы.
Пуштроссэ малпалэ но ужрад радъялэ.
Удмурт кылэн тодматись лекциос, удмурт кылбуръёс шара лыдӟон, удмурт литература сярысь мадёнъёс та нуналлы туж но туж тупалозы.
Калыкез огазеяны но солэсь юалляськыны туж умой луысал: мар со удмурт кыл тӥ понна? кызьы пересьёсты верасько вал? кызьы удмурт кыл али воштӥське? мае удмурт кылын лыдӟиськоды? кызьы удмурт кылэз улонады куспады гуртады яке городады паськытгес уже кутыны быгатысалды?
Библиотекаын яке гурт клубын ужаськоды ке, дано удмурт кыллы дышетӥсьёстэс яке дано пересьёстэс ӧте вал - мед мачкозы ужзы сярысь, мед вералозы кыӵе валлё удмурт кыл вылэм, мар воштӥськиз но мукет.
Кылбуръёс яке веросъёс гожъясь калыкез ӧте - тунсыко гинэ пумиськонды ортчоз!
Ӵапак та вераськонъёс туж пайдаё луозы.
2. Ужрад малпамды но дырзэ пуктэмды бере асьмелы ивортэлэ вал - ку но кытын со ортчоз. Асьмеос сое огъя планамы пуктомы, шара поттомы, СМИ пыр вӧлмытомы.
3. Ужраддэс радъян дыръя ивортэлэ вал, мае дасяськоды, ужраддылэн кыӵе пуштросэз луоз но мукет. Та иворъёсты лыдӟыса калык тунсыкъяськыны ӧдъялоз. Со сяна, мукет радъясьёсты но лӧ пкытоз, тӥ шоры учкыса соос но мае ке ортчытозы.
4. Ужрадды ортчемез бере туспуктэмъёстэс - малпанъёстэс одно ик асьмелы ыстэлэ вал - ужрадды сярысь шара вераломы, статья гожтомы, кызьы удмурт кыллэн нуналызлы сӥзем нуналъёс ортчемзы сярысь огъя текст гожтомы.
5. Юанъёсты вань ке, татчы яке ortem@udmurtkyl.ru почтае гожъялэ. Шумпотыса вераськомы но юрттыны тыршомы тӥледлы.
6. Берекет медло! Тау мыло-кыдо луэмедлы! Удмурт кылмы дано мед луоз!
#деньудмуртскогоязыка #удмурткыллэннуналыз #удмуртскийязык #удмурткыл #удмурты #укн

Возврат к списку