Логотип

Все новости

22.06.2019

Глафира Никольская профессорлы - 90.

Avr7UAAJHTw.jpg
Дано удмурт тодосчи, кылъя но литературая трос дышетскон книгаослэн авторзы, педагогика наукаосъя доктор, Глафира Никольская профессор котырес арессэ пусъе. Туннэ солы 90 тырме. 
Шаркан ёросысь Шляпа гуртын вордскем но будэм мурт , Глафира Николаевна Никольская, удмурт но ӟуч кылъя дышетӥсьлы Ижкарын дышетскиз. 1952-ти арын Педагогикая Удмурт кун институтэз йылпумъяз. Собере, Педагогикая Росси Академиез йылпумъяса, коняке ар чоже татын ик ачиз дышетӥз. 1960-ти арысен Москваын улэ но ужа. 40 арлэсь кема со Педагогикая Росси Академиын тыршиз, йоскалык школаосын дышетскисьёслы ог 26 учебникъёс но дышетӥсьёслы юрттэт книгаос кылдытӥз, удмурт кылъя 14 учебник гожтӥз , огъя ужъёсы пыриськиз. Ваньмыз – ӧвӧлэз ог 200 наука ужъёс та дано удмурт тодосчилэн тыршеменыз но солэн пыриськемезъя кылдӥзы. Соин, Глафира Никольская пӧртэм улосвылъёсын , элькунъёсын тодмо. Зеч кусыпъёсыз финн-угор улосвылъёсысь но Бурятиысь, Якутиысь, Осетиысь педагогика, кылтодонъя но этнография тодосчиосын. 1996-ти арысен Глафира Никольская Щепкинлэсь нимзэ нуллись театр училищеын удмурт но мукет кылын вераськись вуоно актёръёсты ӟуч кыллы дышетэ. 
85 арессэ Глафира Николаевна Удмуртиын пусъиз. Татын тодосчилэн котырес аресэзлы сӥзьыса бадӟым конференция ортчиз. Соку пумиськыку гожтэм вераськонмы Мынам Удмуртие радиолэн зарни фондъёсаз пыриз. Вордскем шаерам котьку но шумпотыса бертылӥсько, - шуэ тодосчи , жаль – берло аръёссэ шергес.

Возврат к списку