Логотип

Все новости

02.12.2018

Веб-квест «Жингрес, мусо но дуно удмурт кылмы»

Гажано нылпиос, школаосысь визь люкасьёс,

дышетӥсьёс но визьнодасьёс!

Туэ Алабгоын бадӟым конференцие люкаськем азьветлӥсьёс, кенешемзы бере, резолюциязы пыртӥзы: удмурт кыллэсь нуналзэ одно ик ортчытоно шуыса. Сое 27 шуркынмонэ ортчытоно кариськизы, малы ке шуоно 27 ноябре 2001-тӥ аре кутэмын вал «Удмурт Элькунысь кун кылъёс» нимо кат. Со катъя, удмурт кыллы Удмуртиын кун статус сётэмын. Та кун статус удмурт кыл понна Удмуртиын тужгес но йӧноез мар ке – со удмурт кылэз мер улонын, кун удысын, дышетонын но мукет удысъёсын уже кутонлы инъет кылдытӥз. Бöрысь со Удмурт кыллэн дунневыл нуналэз нимаськиз, малы ке шуоно удмуртъёс быдэс дунне вылын уло.

Соин валче, ми дэмласьком тӥледлы, 5-11 классъёсын дышетскисьёслы , дышетӥсьёслы но визьнодасьёслы, «Жингрес, мусо но дуно удмурт кылмы» веб-квестэ пыриськыса, ас кылдэс тодэмдэс, гажамдэс но яратэмдэс возьматыны . Татчы пыриськыны ас кожады яке туркымен быгатӥськоды. Бырйыны луоз тужгес кельшем заданиез яке ваньзэ быдэстыны. Ас нимъёстэс таблицае, отчы ик дышетсконнидэс но класстэс пусъе. Заданиосты быдэстыса, гожтэ со сярысь таблицае яке ссылка пуктэ.

Ужрад кык нунал ӵоже, 5,6 толсуре 2018, 8 часысен 23 часозь кыстӥськоз. Арня пумозь вормисьёс тодмо луозы: тужгес шаплыосыз но удмурт кылэз ӟеч тодӥсьёсыз вормись нимен пусъемын луозы.

Озьыен, азьлань!

положение

регистрация


Возврат к списку